I. 068-076
Jelpiŋ śakw mōjt
Numi-Tå̄rəm å̄pĺū Xuĺ-å̄tər alnə tumäj wāri. Xuĺ-å̄tər ūnlənə mā jelpiŋ śakwəl loutuŋkwə nåməsi. takwi mirä māɣəs kēr-χāp wāri; ēləm-χåləsanä māɣəs sāt-pis χāpχä-jiw-porä wāri, sāt-pis kāräj-såw-χasäp wāri. āstəmä jui-pālt takwi mirä kēr-χāpən tāltəstä, mańśi-pāl mirä χāpχä-jiw-porä tärməl wārəm sāt-pis kāräj-såw χasäpnə śältsət. Numi Tå̄rəm ań tå̄rmän nå̄ŋχ χāŋχəs, tūl jelpiŋ śakw tāräts. numəl nājiŋ wit, liliŋ jūr, liliŋ sossəl tāräts. χotäĺ å̄lnə ur-jiw, wōr-jiw mātätəl lutätəl akwäi̬ɣ pānti̬ɣ ta totwəs. ēləm-χåləs-porä χåt pisä nājin śärjawəs, akwᵊ pisä xuĺtəs. χoti χå̄tpä porä tārä patəs, taw ūsəs; mōtən jentəs, lilitä nēi̬ləs.Χuĺ-å̄tər jelpiŋ śakwən at alwəs. Numi-Tå̄rəm kēr-χāp wārim jälnät-sis, Numi-Tå̄rəm ēkwatä -nūpəl minəs; lāwi: «χumin akwᵊ-mūs χotäĺ jälenti?» ēkwä lāwi: «å̄s am χotəl waɣi̬ləm?!» Χuĺ-å̄tər lāwi: «naŋ tawä ti pūśkä-kiwərt å̄lnə witəl ajtäln, taw kutśuwə, tūl naŋən lāwi χotäĺ mini.» Numi-Tå̄rəm jū joχts, tamĺə witəl ajtuwəs, kutśuwəs, ēkwatän kiti̬lawəs, jelpiŋ śakw wārn. tumäjä ēkwatän lāwəs. Χuĺ-å̄tər tūlit jūntsaχtnə tå̄təp-kiwərnə pinwəs, tūl kēr-χāpnə tāltuwəs, jelpiŋ śakw tärməl nå̄ŋχ χāŋχtuwəs. mā kwoss sakwätawəs, χuĺ-å̄tər at alwəs. lilitä nēi̬lənə ūrä ti.
Jelpiŋ wit mōjt
Sāt tālä-tuwä nāj tēi̬ɣ. sāt tālä-tuwä mā nājin tēwe. sāt tālä-tuwä jäni̬ɣ nē, jäni̬ɣ χum lāwi: tå̄rmūw mōtäĺə ti så̄sχati, man tī̬l χum-mūs liliänūw nēltiänūw? mōt jäni̬ɣ å̄jkä, mōt jäni̬ɣ å̄jkä, saw-mośśä å̄jkä akwän atχateɣit. atχatäst akwᵊ paulnə; nåmt wāruŋkwə patsət: χum-mūs urəl manki å̄luŋkwə pateuw?Jis-å̄jkä, jis-χum lāwi: «man tī̬lnəl man urəl liliänūw nēlteuw?! am χōli̬läkəm-ērt simtal χapχä-jiw ūltä saɣi̬ruŋkwä, por wāruŋkwä. ta-til-ke liliänūw nēɣi̬leɣit-ke: ti; tī̬lnəl nē-mat-sirəl liliänūw at nēɣi̬leɣit. ti ūnlənə māūw-pāltə-ke å̄luŋkwə-ke tānɣeuw: at-sāt tal kwāli̬ɣ tip-tārnəl saɣuŋkwä. tūl-ūlttə ti kwālɣūw āsti-ke: akwᵊ aulä tal-militnə mān ujttuŋkwä, akwᵊ aulä χapχä-jiw-porūwnə tū nēɣuŋkwä. ta porūw-tarməl saw āɣi, saw ńawrəm å̄śnə χum, tū woss tāltχati. ta por akwᵊ aulən śali wōj wotä tū ūnttuŋkwä, ńilä sāmä-mūsχəl ńilä wotä ūnttuŋkwä ēri. ton jui-pālt ńawrəmanä num-pālən kāräj-såw-χasäp jūntuŋkwä. kāräj-såw-χasäp āstnätä jui-pālt ńawrəmanä num-pālən tū lēpuŋkwä. sāt ēt, sāt χå̄təl minnə-sis tēnᵊ-ut, ajnᵊ-ut tū tastuŋkwä; kāräj-såw-χasäp kiwərt ajnᵊ-utä, tēnᵊ-utä saw woss å̄ləs. tūl-ūlttə ti-sirəl liliänūw-ke nēɣi̬leɣit-ke: ti.»Tūl-ūlttə χotä minəm χum, χotä minəm nē paulä-låpəl ti minäst. tūl-ūlttə jūw-joχtmänl jui-pālt simtāl χapɣä-jiwnəl por wārnə χum por wāri, kwāli̬ɣ saɣi̬nə χum kwāli̬ɣ saɣi. ētä sāt, χå̄təlä sāt toχ ti lōŋɣitaχteɣit. χoti χum por wāruŋkwə at-ke χāsi, jäni̬ɣ å̄jkän, tūl kiti̬laχti. jäni̬ɣ χumnə χańśtawə: ti-tin ti-χåjilt wāräln, tatin ta-χåjilt wāräln! tūl-ūlttə χoti χum at χāsi por wāruŋkwə, ĺūĺiŋ mā kinsuŋkwə ti pati. ti-kwoss jäli, å̄lnə wēśpä mā at χå̄nti. tūl-ūlt jäni̬ɣ å̄jkänəl kiti̬laχteɣit: «man ēli-pālūt jäni̬mäsən, ēriŋ χot matä mā wāɣən?» [jäni̬ɣ å̄jkä] lāwi: wākeuw ērt, χotəl lāpijin tū, mir akwᵊ-ti at lāpijin?! ań-ti jelpiŋ witnə joχtwəsūw, ań jinätä sujä, suməlämä kit χå̄təli̬ɣ ti jēmts; ti moĺaχəl χotä śältəpeuw, ań-ti joχwəsūw?!Tūl-ūlttə porä āstəm χum tū ti moĺəmtaχtəs āɣitä-pī̬ɣätəl. χoti χum por at å̄ńśəs, tox-ti sakwätawəs, toχ-ti śärjawəs uĺäŋ witnə. — tūl-ūlttə χoti χum porä kwālɣä ojipəs: supi̬ɣ ti jäktapəstä; ālä amərawəs: kwālɣä jäktapəs, ta totwəs. χoti χum kwālɣä χåsä: ta-i toχ-ti χuĺtχinti. porä aulä pēləmlawə: śāli wōjil så̄sipitä, lap ti χarititä. — tūl-ūltə ti ətä sāt minəm jui-pālt wēri̬təm-kēm wēri̬təm χum witä ti tå̄smejis; at wēri̬təm χum kwālɣä tå̄lmatəs, ta totwəs. χoti χum wēri̬təs, mātät tū ti tå̄swəs. tī̬lnəl å̄lnə χum χotä joχtəs, tū ta tå̄swəs. at wēri̬təs χum āɣitä-pī̬χätəl toχ-ta sakwätawəs, liliänl toχ-ta minäst. tūl-ūltə χuĺtəm-kēm χum, mānl-pālt χuĺtəm-utət, tū ti å̄lmejäst.Tūl-ūlttə kwol-wāruŋkwə jiw kissmejäst. jiw āt́im i pum āt́im; toχ-ti sakwätimət, toχ-ti śärjimət. mātä tal militäi̬ɣ śärjimə, χi̬limə; tōnä jiw, pum āt́im. kwol ūnttuŋkwə nē-matər at χå̄nteɣit. mā-kwol χi̬luŋkwə ta patsət. mā-kwolänl āstəm jui-pālt ti å̄lmejäst. — χotäĺ-kāsiŋ χōntleɣit ĺapᵊ-iləs å̄ləm-kēm pauləttə å̄ləm-kēm mir, χoti-ut χuĺtäst, tū ti mā-kwol χi̬lsət. tūl-ūlttə å̄s χotäĺ-kāsiŋ χōntleɣit, χot tå̄sim-utət tū-ta māɣejawäst.Tūl-ūlttə, jaɣa-tä, akwän atχatäst χuĺtəm-kēm å̄jkät, Tå̄rəmnə pojkśeɣit: jaɣa-tä, χum-mūs urəl āɣiūw sim, pī̬ɣūw sim pojti? tī̬l wit-χul āt́im, wōr-uj āt́im. at́iŋ-ke Numi-Tå̄rəm āśūw kwoss-kē-pəl wit-χul woss tārätäsən, wōr-uj woss tārätäsən! man, — mōnt χuĺtəm-kēm ēləm-χå̄ləs-pī̬ɣən āɣitä sim tūl pojtəltənūtä, pī̬ɣä sim pojtnᵊ-utä tūl kissnūw. witən-ke waɣi̬li: wit-χul woss tārätäsən! wit-χul alnə χum wit-χul-så̄təl woss lāwäslən, wōrnə minnə χum wōr-uj-så̄təl woss lāwäslən! āɣitä sim tūl pojtəltənūtä, pī̬ɣä sim tūl pojtəltənūtä. tī̬l-ēläĺ wōr-jiw, wōr-pum woss sātsən! χotäĺ å̄lnə mā-låmtən χuĺtəm-kēm χumin tūl-ūlttə ēläĺ woss ūntχatəs; ēlä rūtmənə pī̬ɣä ēlä woss rūtmi, ēlä rūtmənə āɣitä ēlä woss rūtmi!Mir-susnə-χum akwᵊ-mat-ērt luwəl minimätä mańśi χum χå̄ntəs. «tī̬ɣ jäjən!» — lāwi. mańśi χum tū joχts. Mir-susnə-χum takwi lūw pēś-pōχän χassəmtəstä, mańśi χum lūw pēś-pōχän tū χanujəs. Sorni-Kworəs āśä-pālt tūl nå̄ŋχ χāŋχəs. nå̄ŋχ joχtəmä porät mańśi χumitä -nūpəl lāwi: «naŋ ānəm waɣi̬lən?» — taw lāwi: «am naŋən χotəl waɣi̬ləm?!» — «naŋ toχ nåmsäln: Mir-susnə-χum am ti nāŋkeɣim!» Sorni-Kworəs āśä å̄ln sirpä siriŋ kwolän jū ti śältsi̬ɣ. Mir-susnə-χum mańśi χumitä -nūpəl lāwi: «āwi jui-pālnə pateɣin, kwol-kiwərt akwᵊ māt ĺūĺən!» kwolnə kwoss śältei̬ɣ, tot saw mir atχatəm. Mir-susnə-χum kwoliŋ mirä -nūpəl kitapəs: «tamĺə saw mir manəri̬ɣ atχatsən?» mir lāwi: «å̄s man manər māɣəs atχatsūw? man ti māɣəs atχatsūw: Sorni-Kworəs āśūw jelpiŋ śakw wāri.» Mir-susnə-χum ĺāɣi: «porä iŋ āt́im.» mir lāweɣit: «ań Jeli-ūs å̄jkä akiūw iŋət joχti, tawä å̄s kiti̬laŋkwə ēri!» Mir-susnə-χum mirä -nūpəl lāwi: «kāstəlän!» Jeli-ūs akiänl kāstuwəs. akwᵊ-mat-ērt tūjt-porχej-śaχl ti pats, josäŋ χum josäŋ-taɣi̬l kwonəl jūw śältəs. Jeli-ūs å̄jkä mir -nūpəl ĺāɣi: «man ti jänit waɣi̬l ānəm kāstəslän, matəm luwanəm ālä sakwätəsanəm; — manər wārməl māɣəs atχatsän?!» — «å̄s manər wārməl māɣəs atχatsūw? Sorni-Kworəs āśūw jelpiŋ śakw wāri!» Jeli-ūs å̄jkä akiänl ĺāɣi: «porä iŋ āt́im; — å̄s nēpək χot å̄li, woss sunseūw!» — «Sorni-Kworəs jäɣūw muli kwol-sāmtə nēpäkət χujeɣit.» Jeli-ūs å̄jkä muli kwol-sāmnə tū jå̄məs; matər-sir nēpək kinsəs ti χå̄ntəstä, pali̬ɣ tārəmtəstä mir -nūpəl lāwi: «sunsän, sōĺ porä āt́im!»Tūl-ūlttə akwᵊ χum kwonəl śältəs, Sorni-Kworəs āśkätä -nūpəl lāwi: «rēɣiŋ pūlənə kwol ti āstəs!» Sorni-Kworəs āśkätä nå̄ŋχ ālmejəstä, pūlənə kwolnə ta totəstä. Sorni-Kworəs āśkät pūlənə kwolnə totəm jui-pālt Mir-susnə-χum kwonä kwāləs. mańśi χumitä jot wōwəstä: «jäjən!» lāwi. Mir-susnə-χum jansəs kwolän śältsi̬ɣ. kwol-kiwərtə χūrəm wit-pūt ūnleɣit. pūtət pājältənə χåjtəl pājəltäsət, kwon å̄ntsət. joli mān kwoss sunseɣit, tūl å̄ntəm witnə mat-kēm mir ta totwäst. Mir-susnə-χum pūt-sūntət tå̄rəl χossuləsanä, pājältəm mānälnəl χot pojtsət. moś ĺūĺsi̬ɣ; pūtət kitəntäi̬ɣ pājəltäst, å̄s kwon å̄ntsət. mat-kēm mir å̄s ta totwäst. ań Mir-susnə-χum pūt-sūntət tå̄rəl χossuləsanä, pājältəm mānälnəl χot pojtsət. å̄s ti ĺūĺei̬ɣ; pūtət χūrməntäi̬ɣ å̄s ti pājəltäst. Mir-susnə-χum å̄s tå̄rəl χossuləsanä, pājältəm mānälnəl ta pojtsət, ta pojtsət, akwᵊ-mūs χot pojtsət, wāssi̬ɣ at pājəlteɣit. ań Mir-susnə-χum mańśi χumitä -nūpəl lāwi: «jäjən, minimēn!» Sorni-Kworəs āśkät kwolän ti minəsi̬ɣ.Sorni-Kworəs āś ań-maliŋ pūlənə kwolänəl jūw ti śältəsi pī̬ɣä -nūpəl ĺāɣi: «pī̬kwə! naŋ am worim manəräi̬ɣ unsilən?» Mir-susnə-χum lāwi: «āśä! ustaləm χot; saw ēləm-χå̄läsəm sāĺ?!» woikən taɣi̬liŋ sāt χum kwonəl ti śältsət; Sorni-Kworəs jäɣänl sāt χāŋχəltəp numi aul χāŋχəltəp tärməl, tū ta ūnttuwəs. — Mir-susnə-χum tūl ań mańśi χumitätəl kwonä ti kwālsi̬ɣ. Mir-susnə-χum ujä sis-tärm tāləs; mańśi χumitä lūw pēś-pōχän, tū χanujeptəstä, ta minəsi̬ɣ. ań-mōnt mańśi χumitä χot χå̄ntəstä, tū tārmätəstä.