I. 077-100
Mā tārätim jelpiŋ ēri̬ɣ
Sorni-Kworəs jäɣi̬kwə, Sorni-Kworəs āśukwə
å̄ln taχtəp-kēr jäniti̬ɣ ti sāŋkəmləs.
Śopər-nāj, Kami-nāj āŋkw taw tārätəstä,
Χuĺ-å̄tər-āɣi taw sāŋkəmtəstä,
Numəl-minnə-tåwliŋ-Kalm taw sāŋkəmtəstä.
χåsä å̄lsi̬ɣ, man wāt́i å̄lsi̬ɣ, akwᵊ-mat-ērt
Χuĺ-å̄tər-āɣi Numəl-minnə-tåwliŋ-Kalm nūpəl lāwi:
«Sorni-Kworəs jäɣən-pālt nå̄ŋχ χāŋχsäln!
Sorni-Kworəs jäɣi̬kən-pālt titi kiti̬läln:
Śopər-nāj āŋkw ti tārätəstä,
Kami-nāj āŋkw ti sāŋkəmtəstä,
χånal χå̄təl Sorni-Kworəs jäɣi̬kwə
ēləm-χåləs jisiŋ tå̄rəm sāŋkəmti,
ēləm-χåləs nåtiŋ tå̄rəm sāŋkəmti:
taw ti Śopər-nāj, Kami-nāj āŋkw
matər-sir tākätəl woss tākməltitä,
matər-sir ēntapəl woss ēntəptitä;
laɣi̬läɣä taĺχən ĺūĺnə ēləm-χåləs at wēri̬ti,
Śopər-nāj, Kami-nāj āŋkw akwᵊ-mūs jå̄ŋχi.»
Ań Numəl-minnə-tåwliŋ-Kalm
Sorni-Kworəs jäɣi̬kätä-pālt nå̄ŋχ ta χāŋχi.
χåsä minəs, man wāt́i minəs χotəl waɣi̬tä?!
akwᵊ-ērt Sorni-Kworəs jäɣi̬kätᵊ ūnlənə mān
nå̄ŋχä ta joχtəs.
å̄ln śirkip χåt āwi χåti̬ɣ pūnsəstä,
å̄ln śirkip sātit āwi sāti̬ɣ pūnsəstä.
āwiŋ kwol jui-pālən juw ti śälti,
kaniŋ kwol kan-kwot́lən tūĺə āŋkwäti:
sorni χūrpä sāt pasän sāti̬ɣ ūnleɣit;
sorni χūrpä sāt pasän-pōχətə
Sorni-Kworəs jäɣi̬kwə
sorni laɣi̬ləp jelpiŋ uläs-tarməl ūnli,
sorni auləp jelpiŋ sū-jiwä
jåməs pāl pajt-pōχən ti pońimtamtə.
kaniŋ kwol kan-kwot́lən joχtəm å̄rēmtə
Sorni-Kworəs jäɣi̬kwə sorni auləp jelpiŋ sū-jiwä
pajt-pōχəl nå̄ŋχ ālmejitä,
taw -nūpəl āŋkwäti, kiti̬litä:
«Numəl-minnə-tåwliŋ-Kalm,
manä ĺāŋχəŋ uj ĺāχ totsən?»
Numəl-minnə-tåwliŋ-Kalm Sorni-Kworəs jäɣä -nūpəl lāɣi:
«am manä ĺāŋχiŋ uj ĺāχ toteɣim?!
am totəm ĺāŋχiŋ uj ĺāŋχəm ti:
Sorni-Kworəs jäɣi̬kwə! Χuĺ-å̄tər-āɣi lāwi:
ti Śopər-nāj āŋkw ti tārätäslən,
ti Kami-nāj āŋkw ti sāŋkəmtäslən;
χånal χå̄təl ēləm-χåləs jisiŋ tå̄rəm sāŋkəmteɣin,
ēləm-χåləs nåtiŋ tå̄rəm sāŋkəmteɣin:
taw man laɣi̬lä taĺəχt ĺūĺnə ēləm-χåləs wēri̬ti,
ti Śopər-nāj, Kami-nāj āŋkw akwᵊ mūs jå̄ŋχi?!
naŋ matər-sir tākəntəl woss tākməltäln,
matər-sir ēntapəl woss ēntaptäln!»
Sorni-Kworəs jäɣi̬kätä puŋkä χåmi tārmatəstä,
jāŋkiŋ χul, tūjtiŋ χul pūt-sis
sūptal-ńelmtal toχ ti ūnli.
puŋkä ālmejəmät ĺāɣi:
«am Sāt-ur āŋkw sāŋkəmteɣim,
Paräp-nāj āŋkw tāräteɣim;
jåməs-pāl wāɣənəmnə
liliŋ ńå̄li̬ɣ χå̄mśim χossuliləm:
nulä χajtəm saw så̄jim
tūl sawəl så̄jməlteɣit;
worti-pāl wāɣənəmnə
liliŋ ńå̄li̬ɣ χå̄mśim χossuliləm:
åwətnə saw māń jā
tūl sawəl åwəmleɣit.»
Sorni-Kworəs jäɣä ūnlənə kwol
å̄ln śirkip sāt āwi
Numəl-minnə-tåwliŋ-Kalm
sāti̬ɣ ti pūnsitä, kwonäĺ ti kwāli,
Χuĺ-å̄tər-āɣi pālt jolä ta waɣi̬li.
jolä joχtəmä jui-pālt
Χuĺ-å̄tər-āɣin kiti̬pawə:
«Numəl-minnə-tåwliŋ-Kalm,
naŋ man ĺāŋχiŋ uj ĺāχ totsən?»
Numəl-minnə-tåwliŋ-Kalm ĺāɣi:
«am manər ĺāŋχiŋ uj ĺāχ toteɣim?!
am totəm ĺāŋχiŋ uj ĺāŋχəm ti:
Sorni-Kworəs jäɣi̬kwə, Sorni-Kworəs āśukwə lāwi:
Śopər-nāj āŋkw, Kami-nāj āŋkw
ēntəptanə ti ēntəptäsləm;
Sāt-ur āŋkw ti sāŋkəmtäsləm
Paräp-nāj aŋkw ti tārätäsləm.»
χåsä å̄lmēn jui-pālt,
aman wāt́i å̄lmēn jui-pālt
Χuĺ-å̄tər-āɣi jolä-ke ūntti:
ūnlənə mān at taχni,
Χuĺ-å̄tər-āɣi nå̄ŋχä-ke ĺūĺi:
ĺūĺnə mān at χani.
Numəl-minnə-tåwliŋ-Kalm nūpəl ĺāɣi:
«Sorni-Kworəs jäɣən-palt å̄s nå̄ŋχ χāŋχsäln!
Sorni-Kworəs jäɣi̬kənnəl titi kiti̬läln:
ēləm-χåləs jisiŋ tå̄rəm χumĺə sāŋkəmtaŋkwə,
ēləm-χåləs nåtiŋ tå̄rəm χumĺe sāŋkəmtaŋkwə?»
Numəl-minnə-tåwliŋ-Kalm nå̄ŋχ ta χāŋχi.
χåsä minəs, aman wāt́i minəs, χotəl waɣi̬tä?!
akwᵊ-mat-ērt Sorni-Kworəs jäɣi̬kätä ūnlənə
å̄ln śirkip sāt āwiŋ kwol kwoni pālən joχts.
å̄ln śirkip χåt āwi χåti̬ɣ pūnsəstå,
å̄ln śirkip sātit āwi sāti̬ɣ pūnsəstä.
āwiŋ kwol kiwərnə juw ti śälti,
kaniŋ kwol kan-kwot́lən tūĺə āŋkwäti:
ań-maliŋ sorni χūrpä sāt pasən ūnleɣit,
sorni χūrpä sāt pasän pōχətə
Sorni-Kworəs jäɣi̬kwe
sorni laɣi̬ləp jelpiŋ uläs-tarməl ūnli;
sorni auləp jelpiŋ sū-jiwä
jåməs-pāl pajtä-pōχən pońimtamtə.
Numəl-minnə-tåwliŋ-Kalm nūpəl āŋkwätimə ĺāɣi:
«Numəl-minnə-tåwliŋ-Kalm,
manä ĺāŋχiŋ uj ĺāχ totsən?»
Numəl-minnə-tåwliŋ-Kalm lāwi:
«Sorni-Kworəs jäɣi̬kwə, Sorni-Kworəs āśukwə!
am totəm ĺāŋχiŋ uj ĺāŋχəm ti:
ēləm-χåləs jisiŋ tå̄rəm χumĺə sāŋkəmtaŋkwə,
ēləm-χåləs nåtiŋ tå̄rəm χumĺə sāŋkəmtaŋkwə?»
Sorni-Kworəs jäɣi̬kwe
jāŋkiŋ χul, tūjtiŋ χul pūt-sis
sipä nå̄pəmtəstä.
sipä ālmejəm å̄rəmtə lāwi:
«ness ĺūĺnə rēs-jiw titä
ńirnə-ke tēlawə: ńirä woss ńāki,
pumnə-ke tēlawə: pumä woss ńāki;
au kakər sāt pī̬ɣ tūl woss sāŋkəmleɣit,
au kakər sāt āɣi tūl woss sāŋkəmleɣit!»
tī̬l Numəl-minnə-tåwliŋ-Kalm
Sorni-Kworəs jäɣi̬kätä
å̄ln śirkip sāt āwitä sāti̬ɣ pūnsəstä,
Śopər-nāj, Kami-nāj āŋkwä-pālt
jolä ti waɣi̬ləs.
jolä joχtəmä å̄rəmtə
Χuĺ-å̄tər-āɣinə kiti̬pawə:
«Numəl-minnə-tåwliŋ-Kalm!
Sorni-Korəs jäɣi̬kənnə
manä ĺāŋχiŋ uj ĺāŋχəl lāuwäsən?»
Numəl-minnə-tåwliŋ Kalm lāwi:
«Sorni-Kworəs jäɣənnə,Sorni-Kworəs aśənnə
lāwəm ĺāŋχiŋ uj ĺāŋχəm ti:
ness ĺūlnə rēs-jiw titä
ńirä-ke tēlawə: ńirä ńäkən,
pumä-ke tēlawə: pumä ńākən!
au kakər sāt pī̬ɣ tūl sāŋkəmleɣit,
au kakər sāt āɣi tūl sāŋkəmleɣit.»
Ta jui-pālt Χuĺ-ātər-āɣi
ness ĺuĺnə rēs-jiw titä
ńirnə-ke tēlwəs: ńirä ńākəs,
pumnə-ke tēlwəs: pumä ńākəs,
au kakər sāt pī̬ɣ tūl sānkəmläst,
au kakər sāt āɣi tūl sānkəmləst.
Au kakərnəl å̄ńśəm sāt pī̬ɣä
au kakərnəl å̄ńśəm sāt āɣitä
χåsä å̄lmänl jui-pālt,
aman wāt́i å̄lmänl jui-pālt
soĺ-jåut-ńāl pāχwtlənə jäniti̬ɣ jēmtsət.
numəl minnə tåwliŋ uj
simä jäχχätawə, j
oləl jälnə laɣi̬liŋ uj
simä pēntlawe.
Χuĺ-å̄tər-āɣi āŋkwänl
Numəl-minnə-tåwliŋ-Kalm nūpəl å̄s ti ĺāɣi:
«Numəl-minnə-tåwliŋ-Kalm!
Sorni-Kworəs-jäɣi̬kən-pālt
å̄s nå̄ŋχ jälən! titi kiti̬läln:
au kakər sāt pī̬ɣəm ti sāŋkämləs,
au kakər sāt āɣim ti sāŋkämləs;
ań juw-tēnə ńir-såw χotəl wī̬ɣänl,
juw-tēnə pum-såw χotəl kinsiänl,
sim-taĺəχ näsäŋ pūl χotəl kinsiänl?»
Numəl-minnə-tåwliŋ-Kalm
Sorni-Kworəs jäɣä-pālt å̄s nå̄ŋχ ta χāŋχi.
χåsä minəs, aman wāt́i minəs χotəl waɣi̬tä?!
Sorni-Kworəs jäɣi̬kätä ūnlənə
å̄ln śirkip sāt āwiŋ kwol kwoni-pālnə
å̄s ta joχts.
å̄ln śirkip χåt āwi χåti̬ɣ pūnsəstä,
åln śirkip sātit āwi sāti̬ɣ pūnsəstä.
āwiŋ kwol jui-pālän ta patəs.
sorni χūrpä sāt pasän sāti̬ɣ ūnleɣit;
sorni χūrpä sāt pasän pōχətə
Sorni-Kworəs jäɣi̬kätä
sorni laɣi̬ləp jelpiŋ uläs-tarməl ūnli,
sorni auləp jelpiŋ sū-jiwä
jåməs-pāl pajtä-pōχən ti pońimtamtə.
Numəl-minnə-tåwliŋ-Kalm
kaniŋ kwol-kan-kwot́lən joχtəmä å̄rəmtə
Sorni-Kworəs jäɣi̬kwə puŋkä ālmejitä.
«Numəl-minnə-tåwliŋ-Kalm!
manä ĺāŋχiŋ uj ĺāχ totsən?»
«am manä ĺāŋχiŋ uj ĺāχ toteɣim?
Sorni-Kworəs jäɣi̬kwe, Sorni-Kworəs āśukwə!
am totəm ĺāŋχiŋ uj ĺāŋχəm ti:
Χuĺ-å̄tər-āɣi au kakər sāt pī̬ɣ ponsätəs,
au kakər sāt āɣi ponsätəs;
soĺ-jåūt-ńāl paχwtlənə jäniti̬ɣ jēmtsəs;
numəl minnə tåwliŋ uj
simä jäχχätawə,
joləl jälnə laɣi̬liŋ uj
simä pēntlawə:
ań juw-tēnə ńir-saw χotəl kinsiänl,
juw-tēnə pum-saw χotəl kinsiänl,
sim-taĺəχ näsäŋ pūl χotəl
χå̄ntiänl?»
Sorni-Kworəs jäɣi̬kätä lāwi:
«ńamər jiwəp saĺik-på̄χənə
sāt tōmiĺ tāräteɣim,
sāt pawəl tāräteɣim.
am tūjä-pāl χåsä χå̄təl wārnəm χå̄təl
tūli ńir-sajnəl,
tūli pum-sajnəl,
juw-tēnə ńir-såw tūl woss kinsiänl,
juw-tēnə pum-såw tūl woss kinsiänl,
sim-taĺəχ näsäŋ pūl tūl woss χå̄ntiänl!
akwᵊ pāl mām-jēr, akwᵊ pāl witəm-jēr
jiwä χarä χarä jāŋkəlmä,
pumä χarä χarä jāŋkəlmä;
sōĺim punpä saw pāsi̬ɣ tū tāräteɣim.
am tūjä-pāl χåsä χå̄təl wārnəm χå̄təl
tūli ńir-sajnəl,
tūli pum-sajnəl,
juw-tēnə ńir-saw tūl woss kinsiänl,
juw-tēnə pum-saw tūl woss kinsiänl,
sim-taĺəχ näsäŋ pūl tūl woss χå̄ntiänl!
akwᵊ-pāl mām-jēr, akwᵊpāl witəm-jēr
tēpä låśit χå̄läŋ mā,
witä låśit χå̄läŋ mā,
juw-tēnə ńir-saw tūl woss kinsiänl,
juw tēnə pum-saw tūl woss kinsiänl,
sim-taĺəχ näsäŋ pūl tūl woss χå̄ntiänl!»
ań Numəl-minnə tåwliŋ-Kalm
Śoper-nāj, Kami-nāj āŋkwä-pālt
jolä ti waɣi̬li.
Χuĺ-å̄tər-āɣin ti kiti̬pawe:
«Numəl-minnə-tåwliŋ-Kalm,
manä ĺāŋχiŋ uj ĺāŋχ totsən?»
Numəl-minnə-tåwliŋ-Kalm lāwi:
«am totəm ĺāŋχiŋ uj ĺāŋχəm ti:
Sorni-Kworəs jäi̬kwə, Sorni-Kworəs āśukwə
ńamər jiwəp saĺik poχənə
sāt tōmiĺ, sāt pawəl
lāwəs tārätaŋkwə;
jiwä χarä χarä jāŋkəlmän,
pumä χarä χarä jāŋkəlmän
sōĺim punpä saw pāsi̬ɣ
lāwəs tārätaŋkwə;
tēpä låśit χå̄läŋ mā, witä
låśit χå̄län mā
lāwəs tārätaŋkwə.
tūjä-pāl χåsä χå̄təl wārnät χå̄təl
tūli ńir-sajnəl,
tūli pum-sajnəl,
juw-tēnə ńir-saw tūl woss kinsiänl,
juw-tēnə pum-saw tūl woss kinsiänl,
sim-taĺəχ näsäŋ pūl tūl woss χå̄ntiänl!»
Ań akwᵊ āŋkw å̄ńśəm sāt pī̬ɣ
ńamər jiwəp śalik pōχən ti mineɣit,
sāt tōmiĺ, sāt pawəl tot χå̄nteɣit.
tūli ńir-sajin ti lakwsanl,
tūli pum-sajin ti lakwsanl.
woss jäni̬ɣbχumiänl jåutəl lī̬ɣ:
sāt tōmiĺ, sāt pawəl
akwᵊ lim ńālän χå̄jwäst.
jāŋkəm wōj śuńä tot χå̄ntsänl,
pōĺəm wōj śuńä tot χå̄ntsänl.
ńar-såw χaliŋ waɣi̬ləp tūl wārsət,
ńir-äɣi̬nəp äɣi̬niŋ sunnə ti tāltsət,
Χuĺ-å̄tər-āɣi āŋkwänl-pālt ju joxtäst.
χåsä å̄lmänl jui-pālt,
man wāt́i å̄lmänl jui-pālt
jiwä χarä χarä jāŋkəlmän ti mineɣit,
pumä χårä χårä jāŋkəlmän ti mineɣit,
sōĺim punpä saw pāsi̬ɣ tot χå̄nteɣit.
woss jäni̬ɣ χumiänl
tūli pum-sajin lakwsanä,
tūli ńir-sajin lakwsanä.
akwᵊ śos lim ńālän
sōĺim punpä saw pāsi̬ɣ sāwəl χå̄jwäst.
jāŋkəm wōj śuńä å̄s χå̄ntsänl,
pōĺəm wōj śuńä å̄s χå̄ntsänl;
ńir-äɣi̬nəp äɣi̬niŋ sunnə å̄s tāltsänl,
Χuĺ=å̄tər-āɣi ānkwänl-pālt juw χartsänl.
χå̄sä å̄lsət, man wāt́i å̄lsət
akwᵊ-ērt akwᵊ āŋkw å̄ńśəm sāt pi̬ɣ
Χuĺ-å̄tər-āɣi āŋkwänl -nūpəl lāwet́it:
«Sorni-Kworəs jäɣi̬keuw
tēpä låśit χå̄läŋ mā lāwəlti,
witä låśit χå̄läŋ mā lāwəlti;
ti tēpä låśit, witä låśit χå̄läŋ mā
kinsuŋkwə jäleuw.
man juw joχtneuw kastəl
akwᵊ sūntəp sāt kēnäs rautän!
man kāteuw uślapteuw, laɣi̬leuw uślapteuw.»
akwᵊ āŋkw å̄ńśəm sāt χum
χå̄län mā kinsuŋkwə ta mineɣit.
χåsä jå̄msət, man wāt́i jå̄msət,
jiwä χarä χarä mān nēi̬läsət,
pumä χarä χarä mān nēi̬läsət,
Jäχ=tumən-wātän nēi̬läsət.
Jäχ-tumənnə nalu sunseɣit:
kēriŋ maɣi̬ləp sāt tāχət
sāti̬ɣ χuĺtɣyinteɣit,
kēriŋ maɣi̬ləp sāt lōli̬ɣ
sāti̬ɣ χuĺtɣyinteɣit.
woss jäni̬ɣ χumiänl lāwi:
«tūli ńir-sajnəl amki lakwiänəm,
tūli pum-sajnəl amki lakwiänəm,
am ńāl ojtättal ńāl ul ojtäln!»
am jåut ojtättal jåut ul ojtäln!
taw tūli ńir sajit ti lakwsanä,
tūli pum sajit ti lakwsanä.
sānsiŋ jåut sānsän ńālä ālä pini:
taw jui-pālät woss māń χumiänl
japäk-jānteuw råmiŋ sujä sujti.
kēriŋ maɣi̬lep sāt tāχət
maɣi̬länl ness kēlp-pasəl śurtwäst,
kēriŋ maɣi̬ləp sāt lōli̬ɣ
maɣi̬länl ness kēlp-pasəl śurtwäst.
kēlpiŋ maɣi̬ləp sāt tāχətnə
tari-laɣi̬ləp saw jā
sāwəl χajtwäsət;
kēlpiŋ maɣi̬ləp sāt lōlɣən
tāri-laɣi̬ləp saw jā
sāwəl χajtwäsət.
tērəntal mā-kēmpli
tērnəl ti tārätəsänl,
χuĺtal mā-kēmpli
χuĺəl ti tārätəsänl.
woss jäni̬ɣ χumiänl ĺauti:
«amki-ke lisänəm mōnt,
ti kēriŋ maɣi̬ləp sāt tāχət,
ti kēriŋ maɣi̬ləp sāt lōli̬ɣ
tūjä-χul jåməs nur-jiw
pusən nurtnuwanəm mōnt,
takwsi-χul jåməs nur-jiw
pusən nurtnuwanəm mōnt.
ań naŋ tērəntal mā-kēmpli
tērnəl ti tārätäslən,
χuĺtal å̄ləm mā-kēmpli
χuĺəl ti tārätäslən.»
χuĺ-å̄tər-āɣi āŋkwänl-pālt
juwĺə ti jå̄ŋχeɣit.
χåsä minäst, man wāt́i minäst,
χuĺ-å̄tər-āɣi āŋkwänl-pālt juw joχtäst.
akw sūntəp sāt kēnäs pusä āstəm.
akwᵊ āŋkw å̄ńśəm sāt pi̬ɣ ti ajeɣit.
χåsä ajsət, man wāt́i ajsət, at wāɣänl.
nå̄ŋχ sajkələmänəlt
woss jäniɣ χumiänl kēlp-sēŋχwnə tēli̬ləm.
takwi å̄ńśəm ĺäkw samp samiŋ laχərä
rāwi̬ɣ tåutli̬təstä;
takwi laɣi̬län, takwi kātän saĺəməstä:
ńurem-uj å̄śnə såwsiŋ sāχi tūl tēls.
sāt ńāl punim samiŋ tawətä
rāwi̬ɣ purli̬təstä;
takwi laɣi̬län, takwi kātän saĺəməstä:
ńurəm-uj å̄śnə at ńäsəp ńäsiŋ kātlä tūl tēls,
ńūrəm-uj å̄snə at ńäsəp ńäsiŋ så̄pək tūl tēls.
å̄ln lūspä lūsiŋ sirejä
rāwi̬ tåutli̬testä
ńūrəm-uj å̄śnə låw sajɣəp sajɣəŋ pāsəp tūl tēls.
sēr-wōr, mōr-wōr sāmnə ēlä jå̄mmətəs.