I. 100-127
Māi̬ɣ tå̄rmi̬ɣ sāŋkämləm ēri̬ɣ
Māi̬ tå̄rmi̬ɣ tēn pēntəmlei̬ɣ,
tēn sāŋkəmlei̬ɣ.
χuĺ-å̄tər wāssi̬ɣ pi̬ɣ lēsəχti
å̄ln ēĺəm-pūt jänitäi̬ɣ
Numi-Tå̄rəm jäɣuw sānkəmli.
χuĺ-å̄tər wāssχᵊ āɣi, taw takti
å̄ln int-kēr jänitäi̬ɣ
[Såwəŋ-Mā āŋkūw] sāŋkəmli.
Såwəŋ-Mā āŋkūw
Laɣi̬ləŋ-påal-laɣi̬ləŋ-Kalm
nå̄ŋχ kētitä:
«pēntəmlanə ti pēntəmləsmēn;
am tēpəl tēpəl ātəmtal
ūnluŋkwə wāɣəm at joχti.»
ti Laɣi̬ləŋ-påal-laɣi̬ləŋ-Kalm
nå̄ŋχ joχti.
«Såwəŋ-Mā āŋkuw
tēpəl tēpəl ātəmätal
ūnluŋkwe wāɣä at joχti.»
«naŋ tajəχ jol joχteɣən-pəl,
liliŋ ńå̄lɣᵊ-åśtärəl
χūrəm-śos å̄lpä
Såwəŋ-Mā āŋkw sirrəmatäln!
taləŋ χum kit tal pāŋχwitəl
mākwə pokapi;
tēpəl tēpəl ātəmä tūl sāŋkəmli,
Kami-Nāj-āŋkw tūl sāŋkemli,
akwᵊ å̄ntər sāt śiś taw reχti.»
tālä-ke sāt tāl,
tuwä-ke χūrəm tuw
pī̬ɣət χolli̬tawət. —
numəl-minpä-tåwləŋ-Kalm
nå̄ŋχ kētitä. —
«tēpəl tēpəl ātəm
ti sāŋkəmtäsləmēn;
ań matä jūw-tēnə
sim-taĺəχ näsäŋ pūl
χotəl wī̬ɣ?»
χum χåsä ūnləm jui-påaltä lāwi:
«tajəχ ti jolən ūnləpä
paĺ jiwpä ńuläś-på̄χnə,
sāt-tūməĺ-āŋkw tū tārätiləm,
tūmĺi̬ɣ pawli̬ɣ ti tārätiäɣəm;
χansäŋ pāsi̬ɣ āŋkwińś
tot ūnləpä χār-ńeləm åśśä kēli̬nə,
tū tārätiäɣəm.
tēpəl tēpəl ātəmä
sim-taĺəχ näsäŋ pūl
tūl woss kinsitä!»
Kami-nāj aŋkuw
akwᵊ å̄ntər sāt pi̬ɣ, —
χumit jäni̬meit.
joləl minpä laɣi̬ləŋ uj
simä laχäteɣit,
numəl minpä tåwləŋ uj
simä woräteɣit.
joləl minpä laɣi̬ləŋ uj
at ari̬ts,
numəl minpä tåwləŋ uj
at ari̬ts.
Såwəŋ-Mā āŋkuw
tåwləŋ påal tåwləŋ χajtä
å̄s kēti.
Numi-Tå̄rəm āśəm χåsä ūnlimə,
jotəl lāwəs:
«matä χumit-ke sastäsət-ke:
ti χumitä kwāləm χumiŋ sāmtə
manər wåareɣit?
ti nētä kwāləm nēɣəŋ sāmtə
manər wåareɣit?
mat χumit sastäsət-ke:
χumitä sastəm χumiŋ sām
kwāləŋ wāni̬nə,
nētä sastəm nēɣəŋ sām
kwāləŋ wāni̬nə,
tū kissəχtālət!»
χumit ti ĺāχ χōleɣit.
ńur-waɣi̬ləp saw nap
χumit śå̄piteɣit;
(måilä) mēŋkw, āŋkwä mēŋkw
χumit kwālsət.
χåsä jå̄meɣit, wāt́i jå̄meɣit,
jol-ūntteɣit.
woss wāssi̬ɣ kit χum,
portəχ χummi̬ɣ maɣəs
japək janteuw råməŋ suj tēls.
woss jäni̬ɣ χumiänl jūw-sunspi,
lāwi: «χumɣᵊ-a, manər wåarijin?!
pōtmätal mānə pōtmä wåarijin!»
ēl-jå̄menteɣit. —
χåsä, man wāt́i jå̄meɣit:
woss wāssi̬ɣ kiti̬ɣ χum
tot ūnləpä jēkwər-påal
tī̬l lī̬tēn: tarä taχnawə,
tūl lī̬tēn: tarä taχnawə.
woss jäni̬ɣ χumiänl å̄s lāwi:
«nēn manər wåari̬lijin?!
pōtmätal mānə pōtmä wåarijin!»
χumit ēl-jå̄menteɣit; akwᵊ-mat-ērt
jiwä tarä matä witnə
(χumit) kwāləpeɣit,
jiwä tarä matä mānə
χumit śōlpeɣit. —
nal jå̄meɣit Lous-tumənnə;
kērəŋ maɣi̬lpä sāt tāχt
tot portχyinteɣit,
kērəŋ maɣi̬lpä sāt lūli̬ɣ
tot portχyinteɣit.
jol mārəχteɣit;
pōĺəm χul pūt mańtəŋ
jolən wāseɣit, nå̄ŋχ χuĺi̬leɣit.
jāŋkəm χul pūt mańtəŋ
numən portχyinteɣit. —
tan tūli pum sajin, tan χi̬ńɣyiänl.
woss jäni̬ɣ χumiänl läwi:
«am tajəχ jåutəm ojpattal,
am ńāləm ojpattal
akwᵊ χum ul å̄lä!»
woss jäni̬ɣ χumiänl jåut-sānsnə
χurəm puŋkpä å̄ln χå̄sləχ punitä.
jåut χarti. — Pōĺəm χul-pūt mańtəŋ
jåut ūnləptawə.
woss wāssi̬ɣ kit χum,
portəχ χummi̬ɣ maɣəs
japək janteuw råməŋ suj tēli.
kērəŋ maɣi̬lpä sāt lūli̬ɣ
å̄ln χåsləχ taĺəχnə
ness kērsawət. —
woss jäni̬ɣ χumiänl lāwi:
«manər wåarsēn?!
tērəntal mā tērnəl tārätəslēn,
χuĺtal mā χuĺəl tārätəslēn!»
witəŋ titpä sāt jā
kēlpəŋ-ke sāt lūlɣən
så̄χä rī̬lawət.
χumit ēl-jå̄menteɣit.
χå̄sä, man wāt́i jå̄menteɣit,
jäχ tumən ūsənälnə
jūw nēi̬leɣit, jūw-joχteɣit.
Kami-nāj aŋkwänl
ūs χå̄ltal jäni̬ɣ jēmən, —
ānŋkw ūntti.
χūrəm ētəŋ χūrəm χå̄təl
mām ajenteɣit.
woss jäniɣ χumiänl
χaĺməŋ χum χaĺmä
at joχtχatwəs,
pāŋχəŋ χum pāŋχä at joχtχatwəs.
Tūr-å̄tər χum āɣi påalt,
nētä påalt jūw-jå̄mi, jūw-śälti,
lāwi: am pāŋχəŋ χum pāŋχəm
at joχtχatwəs;
ti-nē, kwon kwāləpalən,
χå̄təl tå̄səm χūrəm pāŋχəm
jūw-tūlpän!» — taw lāwi:
«man åstal å̄lpä jäɣən kēlp
ajuŋkwə jēmtsən,
man åstal å̄lpä å̄rəŋ kēlp
ajuŋkwə jēmtsən?!»
taw lāwi: «kit ēntəp ēntəm χum,
urä patitä-mos manəräi̬ɣ ńärəpäslən?!
åstal å̄lpä jäɣəm kēlp
ajuŋkwə jēmtəɣim, naŋən kitilaχteɣim?! —
naŋən at kitilaχtəɣim.
ti χå̄təl tå̄səm χūrəm pāŋχ
nē, jūw-tūlpän!» —
ēli-påalän tū rēpi̬tiänä;
låu ńiśpä χaləŋ sūpnə
jūw-tautəśliänä
χaĺməŋ χum χaĺmä joχtawə.
nāŋk-jiw påal jäŋɣ āwi
sāŋχwäsawə.
«ūnk-a, pāŋχəŋ χum pānχən
tajəχ pāŋχəlāläln!
jiti-påal jērnəl, tūl tī̬lämləm
wi̬ɣi̬r pujpä tip-χårχeinə
sūnsəm χum sūnsəntə
naŋki tūśtəm
å̄ln puŋkpä sāt śå̄planən
så̄χä iswäst.» —
«am χaĺməŋ χum χaĺmämtəl
wāɣəm at joχti;
jäɣəm kiti̬ɣ śiśnə, ĺaχ tū pattən!»
nāŋk-jiw påal jäŋɣᵊ āwi
å̄s pūnsawə.
ūŋk-a! pāŋχəŋ χum pāŋχən
tajəχ pāŋχəlāläln!
sūnsəm χum sūnsəntə
naŋki tūśtəm
å̄ln puŋkpä saw śå̄planən,
wi̬ɣi̬r pujpätip-χårχeinə
så̄χä iswäst, så̄χä moŋχəltawäst.»
χum lāwəs: «am χum-laχ totnə
śāli pun pēltal äɣynəŋ jūtpəm
tī̬ɣ tūli̬pəlän!
ĺāŋχä-kwālɣä at āstəs,
tū tūli̬pawəs.
sāli pun pēltal, śāli pun pēltal
äɣynəŋ jūtpä nå̄ŋχ så̄spitä.
mōt påal påĺχəs-påalä
āɣiŋ kwol simät, jun masəpitä.
mōt påal påĺχəs-påalä
pī̬ɣəŋ paul kanät, kwon masəpitä.
taĺəχ-sup pulät sirejä
jot χassəmtitä.
luwä-tarm nå̄ŋχ-rēpi̬taχti;
minəm χå̄nt jui-påalt
χum ńåwəlχati.
åsəŋ ĺå̄m-uj χūrnə
χum tēli̬li.
luwä tot χuipä tawər-lūpi
tū sānχwäsitä;
ti minəm χå̄nt
ujttəp jå̄ŋχəp jortə
juit ujttiänä,
kwālpä jå̄ŋχəp jortə
ēlit kwāltiänä.
kwāləm χå̄nt puŋkäi̬ɣ
χum kwāli,
lapəm χå̄nt puŋkäi̬ɣ
χum lapi.
χotäĺ jå̄ŋχi: tå̄səm pum χumĺe ńolenti,
toχ ńolentiänä.
χotäĺ jå̄ŋχi: uĺiśəl minenti.
akwᵊ-mat-ērt jåməs-påal laɣi̬l påalät
matər χarttaχti̬li.
jolä kwoss χå̄nti:
Tūr-å̄tər χum-pī̬ɣ, upä χum,
taw jåməs påal laɣi̬län
tū śoχərtaχtəm.
«wāpsəm! liliŋ χum aŋśərä
pusn naŋkin: kwāləm χå̄nt pāŋχən
tū tåmpläln! — jol sunsən,
χum-kēlp kiwərt sāns-puŋk pāsən
χum susχelānteɣin,
χum śirkip ĺūĺitəl
χum ujɣelānteɣin.
lapəm χå̄nt pāŋχən tū tåmpläln,
χå̄ləm χum ańśərä pusn nāŋkin!»
tū tåmplitä; Tūr-å̄teər upän χå̄ntələs.
juw jå̄mänts, luwä sāŋχwäsəstä;
nå̄ŋχ-tūńśəlmats, nå̄ŋχ-ūnttəs, jūw-jå̄mtāntəs.
Jäχ-tumən ūsän jūw-nēi̬li.
Kami-nāj aŋkwä kwon jälɣelānti.
«pī̬kwə! am naŋən rēχtəm porämt
uśt worti kit χapɣä-lūpta
kit paitäɣən ålsei̬,
ań sāskwə χuli kit åsnə
χumĺe patsən?» —
«āŋkw-a! naŋ χumĺə χańśilən,
am sāns-puŋk pāsən
χum-kēlp kiwərt sussɣeläsəm?»
jūw joχti, jūw-śälti; lāwi:
«jå̄ŋχəp akwᵊ sātnə
soĺiŋ wōr sāt χalnə
ānəm pā tārätəlän!
ələm-χå̄ləs-påalt amkim woipä på̄χätun
at χå̄ntsəm.»
sāli-pun pēltal, śāĺi pun pēltal
äɣynəŋ jūtpä nå̄ŋχ så̄spitä:
χum pilnə śorəm å̄ŋχəŋ
såwəsä tūl sasti. —
taĺəχ-sup pulät sirejä
ńilä supi̬ɣ sai̬mtitä;
låu ńiśpä χaləŋ sūpnə
jūw-χaĺtəmtitä, puĺ-tautəślitä.
χum pilnə, uj pilnə
wortəm ńilä saji̬ɣ tūl sasteɣit.
sēməl kērpä ńäləŋ ālä
χot-sai̬liänä,
låu ńiśpä χaləŋ sūpnə
jūw-tautəśliänä:
χum pilnə śorəm å̄ŋχəŋ
låu kwoss tūl sasteɣit.
soĺiŋ wōr [sāt] χalnə
pā jå̄mantəm porät lāwi:
«rētəŋ ńuli åulən ul χartuŋkwəm;
sōĺ ńuli åulən am χartuŋkwəm!
rētəŋ ńuli åulən-ke am-ke χartawəm:
kēnt-puĺi̬ɣ manəśliləm,
passä-puĺi̬ɣ manəśliləm.»