I. 128-134
Ēləm-χåləs sāŋkämləm mōjt
1. Joli-Tå̄rəm śāńūw kit tå̄rəm, kit kworəs χalt sāt-pis kēr-kwāli̬ɣ taĺəχt χannə ūsät ūnli. χåsä ūnli, aman wāt́i ūnli, akwᵊ-mat-ērt mā ūnttənə jis ti joχts. Numi-Tå̄rəm jäɣi̬-pī̬ɣä lāwi: «naŋ, jäɣᵊ-āɣi, ań joli mānə waɣi̬lən, ēləm-χåləs jisiŋ tå̄rəm, ēləm-χåləs nåtiŋ tå̄rəm sāŋkəmtaŋkwə ēri!» ūs χannə sāt-pis kēr-kwāli̬ɣ ań sai̬rəpawəs, Joli-Tå̄rəm śāńūw jolä ti waɣi̬ləs. jolä patmä porät ti ēləm-χåləs ūnlənə såwiŋ mā akwᵊ-mūs turmən. Numəl-minnə-tåwliŋ-Kalm Numi-Tå̄rəm jäɣi̬-pī̬ɣä -nūpəl ĺāŋχ totuŋkwə nå̄ŋχ kētitä. Numəl-minnə-tåwliŋ-Kalm nå̄ŋχ joχts, lāwi: «Joli-Tå̄rəm śańim titi ĺāŋχ kētitä: naŋ lāwəm såwiŋ mānə jolä ti waɣi̬läsəm, ań ēləm-χåləs jisiŋ tå̄rem. ēləm-χåləs natiŋ tå̄rəm χumĺə sāŋkəmli, mā akwᵊ-mūs turmən; naŋ jäɣi̬-pī̬kwə, χå̄təl χå̄tältən, ēt-pos χuĺi̬tən!» Numi-Tå̄rəm jäɣi̬-pī̬ɣä χå̄tältəs, ēt-pos χuĺi̬ts, mā posiŋi̬ɣ ti jēmts.
2. Joli-Tå̄rəm śāńūw Numəl-minnə-tåwliŋ-Kalm å̄s nå̄ŋχ kētitä. «Numi-Tå̄rəm jäɣi̬-pī̬kwə» — lāwi — «χå̄təl ti χå̄təltäslən, ēt-pos ti χuĺi̬täslən; ēləm-χåləs ūnlənə såwiŋ mā posiŋi̬ɣ kwoss jēmts, akwᵊ-mūs jå̄ŋχi, akwᵊ māt at ĺūĺi, ti-sirəl ēləm-χå̄ləs χumĺə wēri̬ti?! nāŋ ti jå̄ŋχnə mā matər-sir ūrəl woss ūnttäln, jå̄ŋχnə mātänəl woss pojti!» Numi-Tå̄rəm jäɣi̬-pī̬ɣä soĺəχ-āχwtəs sāt kwoss-taɣi̬l wis, jāŋχnə mā tarməl listä: ńå̄rət, urət ūntχatsət; mā jå̄ŋχnə mātänəl toχ ti pojtəs, ūnləpi̬ toχ ti jēmts.
3. Joli-Tå̄rəm śāńūw Numəl-minnə-tåwliŋ-Kalm χūrməntäi̬ɣ nå̄ŋχ-kētitä. «Numi-Tå̄rəm jäɣi̬-pī̬kwə!» — lāwi — «ań ēləm-χåləs ūnlənə såwiŋ mā ti ūnttäslən, posiŋi̬ɣ ti wāräslən: ań ēləm-χåləs χumĺə sāŋkəmtaŋkwə?» Numi-Tå̄rəm jäɣi̬-pī̬ɣä lāwi: «am sāt ēləm-χåləs-χuri tāräteɣim jolä, naŋki lilijəptän; Kworəs āśən naŋ-pāltən lili lāuwəs, Śiś śāńin naŋ pāltən nåt lāuwəs.» Numəl-minnə-tåwliŋ-Kalm jolä ti waɣi̬li. jolä waɣi̬ləmä jui-pālt Numi-Tå̄rəm χumiänä ēləm-χåləs-χuri wāruŋkwə kētitä. Tapəl-ājkä nāŋk-śaχəlnə minəs, nāŋk-jiwnəl sāt χum-χuri saɣi̬rəs. taw jälnätä sis Χuĺ-å̄tər suĺi-raχtnəl pōśχəs sāt ēləm-χåləs-χuri. kit mānəl akwᵊ-tori̬ɣ jūw-joχtsi̬ɣ. Χuĺ-å̄tər lāwi: «apśikwə, pēntχatəriśmēn!» Tapəl-å̄jkä lāwi: «am at pēntχateɣim; ēləm-χåləsanəm nåttali̬ɣ jēmteɣit taχ.» — «kai āt́i!» — lāwi Χuĺ-å̄tər — «lilil am lāwiänəm, toχ nåtiŋi̬ɣ jēmteɣit.» — «āt́i, at pēntiänəm ti wārəm ēləm-χåləsanəm; am ti mōnt saw rōpot totsəm tan jotänl» — lāwi Tapəl-å̄jkä. — «am akwᵊ ti å̄s saw rōpot totsəm am ēləm-χåləsanəm jot;» — lāwi Χuĺ-å̄tər — «tūl ås naŋ lili χotəl wī̬ɣən, Kworəs jäɣi̬n naŋən lili at lāuwəs?!» Tapəl-å̄jkä ness puŋkä maləślime ūnli. «sōĺ» — lāwi Χuĺ-å̄tərnə — «lili āt́im; am ti jiw-ēləm-χåləsanəm naŋ jelteptän ēləm-χålesi̬ɣ!» — «χuń at jeltəptiänəm!» — lāwi Χuĺ-å̄tər — «å̄s jeltəptiänəm; am ti pośχəm raχt-ēləm-χåləsanəm, titit å̄s mēŋkwnə ēreɣit.» Tapəl-å̄jkä ań nāŋk-jiwnəl wārəm ēləm-χåləsanä Χuĺ-å̄tərnə ti misanä, ań raχt-ēləm-χåläst Tapəl-å̄jkä nūpəl patsət.
4. Χuĺ-å̄tər ań nāŋk-jiwnəl wārəm ēləm-χåläst Numi-Tå̄rəm kātän ti pattəsanä. Numi-Tå̄rəm pasän ta-pālnə sisi̬ɣ tūśtsanä, pūlässanä: χotäĺ taχäst, at waɣi̬tä. Tapəl-å̄jkä ta-tori̬ɣ kātätəl kwoss ńūntsi̬ti, samt āt́im, at pūχsanä. akwᵊ-mat ērt joli mānə kwoss sunsi: lunt napmiŋ, wās napmiŋ sāt så̄jim taĺχät sāt mēŋkw rå̄ŋχimə tī̬ɣ χajteɣit, tū χajteɣit. Tapəl-å̄jkä puŋkä-pattä ness kwonśəsli. raχt-ēləm-χåləsanä ti pūɣintiänä, sunsi̬liänä: tan wońśäĺ raχtət. Numi-Tå̄rəm lāwi: «raχt-ēləm-χåləsanən jäɣᵊ-āɣin-pālt jolä totän, Kworəs āśūwnə lilil taw lāuwəs, Śiś śāńūwnə nåtəl taw lāuwəs.» ań Tapəl-å̄jkä raχt-ēləm-χåləsanä Joli-Tå̄rəm śāńūw-pālt ti totiänä. jol-joχtmä porät lāwi: «jäɣᵊ-āɣi ja, titit man ūrəl jelteɣit? naŋ jeltəptän!» Joli-Tå̄rəm śāńūw lāwi: «at́iŋ-ke am jeltəptiänəm, naŋ tī̬lnəl akwᵊ-pal minən!» ańiŋən χå̄təliŋən ńaurəm samnə patnə porät tōnä tot χum-χåtpä at ti å̄li. Joli-Tå̄rəm śāńūw rāχt-ēləm-χåläst ti jeltəptəsanä. ti lilijäptəm raχt-ēləm-χåläsətnəl tēləm āɣit, pī̬ɣət, ruśä mańśitätəl, ańiŋən χå̄təliŋən ti å̄leūw. rus kātūw χotäĺ χå̄ji: tōnä sakwali, rus laɣi̬lūw χotäĺ χå̄ji: tōnä sakwali; witnə-ke pateuw:tōnä jol-ujtaweuw. jiwnəl-ke wārnuweuw: alpiūw tāk å̄lnūw, kūpnit å̄lnūw, witnə at ujnūw.
5. ēləm-χåləs sāŋkəmtəmä jui-pālt Joli-Tå̄rəm śāńūw Numəl-minnə-tåwliŋ-Kalm å̄s nāŋχ-kētitä. «Numəl-minnə-tåwlin-Kalm!» — lāwi — «Numi-Tå̄rəm jäɣi̬-pī̬ɣəm-pālt å̄s nāŋχ-jälən, titi lāwäln: jåutä pūɣəm sāt χumin sāŋkämtənə ti sāŋkəmtäsləm, ań jūw-tēnə ńír-såwänl manər jēmti? jūw-tēnə pum-såwänl χotəl kinsiänl? naŋ å̄ln-χāŋχältəp tārätən jolä, jūw-tēnə ńir-såwänl ta χāŋχəltəp-χåsit, tūl woss waɣi̬li; jūw-tēnə pum-såwänl ta χåŋχältəp-χåsit, tūl woss waɣi̬li!» Numəl-minnə-tåwliŋ-Kalm nå̄ŋχ-joχtəs. Numi-Tå̄rəm nūpəl lāwi: «Joli-Tå̄rəm śāńim lāwi: Sāt-Tå̄rəm-śāńim lāwi: jåutä pūɣəm sāt χumin sāŋkämtənə ti sāŋkəmtäsləm; ań jūw-tēnə ńir-såwänl, jūw tēnə ńir-såwänl manər jēmti? naŋ å̄ln-χāŋχältəp tārätən jolä; jūw tēnə ńir-såwänl ta χāŋχəltəp-χåsit, tūl woss waɣi̬li; jūw-tēnə pum-såwänl ta χāŋχältəp-χåsit tūl wosswaɣi̬li! ētχəlanə simänl saka ētχəlawə; ńirnə-ke χå̄jeɣit: ńirnə räɣäteɣit, pumnə-ke χåjeɣit: pumnə räɣäteɣit.» Numi-Tå̄rəm kitilitä: «å̄ln-χāŋχältəp-χåsit manärəm tāräteɣim?» Numəl-minnə tåwliŋ-Kalm lāwi: «takwsi-pəl, wāt́i χå̄təl jēmti-pəl lunt χajtnə, wās χajtnə sāt jākən, lunt nåpmiŋ, wās nåpmiŋ sāt jākən sāt muĺiŋ witänəl māń tāŋχpä tāŋχiŋ χul woss kwāltən, sisiŋ ūs sisūwnə sāt ujpä ujiŋ suw woss tārätən!» takwsi-pāläi̬ɣ ti jēmts, ań jåutä pūɣəm sāt χum wōrnə ti mini. sāt ujpä ujiŋ suw χå̄nteɣit, tūli ńir-sajnəl ti lakwiänl, tūli pum-sajnəl ti lakwiänl; jūw-tēnə ńir-såw tūl ti χå̄nteɣit, jūw tēnə pum-såw tūl ti χå̄nteɣit. Āsnə nalu kwoss waɣi̬leɣit, ań-mań Numi-Tå̄rəm āśänl lāwəm χul, — ness āt́im — tå̄rəs paliti̬ɣ ti jēmtəm. nir-tåli̬ɣ ti wārsət. ńir- tålɣänəl tålɣimänl Ās-kwot́lən kwoss sunseɣit: ań-mań akwᵊ å̄jkä tusä Ās-simtə Ās pāŋχwitəl tārəmtamtə, å̄jkä tusänəl ārpi tēləm. ań-mań χultnə χum χulti, ūsnə χum ūsi; ūsmät tārätimət supi̬ɣ rātawə, ūs rātawə, moχsəŋ rātawə. ness śuń ness saw. ańiŋən χå̄təliŋən ań-ta śuń, ań-ta aləśləp ań ti aləślawə. tī̬l tārä pati Ās-simtə tusä tārätəm å̄jkä, ness āt́im, Numi-Tå̄rəm mań apśitä Tapəl-å̄jkä å̄ləm. kis-lakw minəm lakwiŋ tå̄rəm sāt kēmpli pusən taw witnəl χuĺi̬təm å̄ltulän ti ūnlawə.