I. 033-037
Mā ēntəptanə mōjt
1. Ēkwäi̬ɣ å̄jkäi̬ɣ å̄lei̬ɣ. kwolēn jänit mā-śaχəltə å̄lei̬ɣ. mā-śaχlēn aman Numi-Tå̄rəm āśēnnə tārätawəs, aman joləl χuĺi̬ls, akwᵊ-mūs at waɣi̬tēn. lui wōt-ke wōti: ali śāriśnə ālmawei̬ɣ; ali wōt-ke wōti: lui śāriśnə ālmawei̬ɣ. tālä sāt, tuwä sāt tox å̄lmēn-sis nē-mat-χoti tūw atä pum tēlsi̬ɣ, atä pori̬ɣ tēlsi̬ɣ. akwᵊ-mat-ērt ēkwatä kwonä kwoss kwāli, muli-pāl kwol-sāmət kasm taĺəχpä pori̬kwə tēləm. jūw śälts, å̄jkätä -nūpəl lāwi: «tālä sāt, tuwä sāt tit å̄lməmēn-sis nēm-χūńt ti χurip pori̬ɣ at tēlsāli; sar sunsən!» å̄jkätä lāwi: «jūw tūläln!» ēkwatä jārmak-tå̄rä kāttə kwonä kwāltəstä, kasm taĺəχpä māń pori̬kwə jārmak-tå̄rätəl lap lēpəmtəstä, tāriŋ-taɣi̬l nå̄ŋχ lei̬matəstä; nå̄ŋχ kwoss ālmejitä: ńaurəm ēläĺ ĺūńśəltaχts. ńaurəm śai̬təm kātəl, śai̬təm laɣi̬ləl jūw tūləstä. å̄jkätä lāwi: «mēnki sāt tāl, sāt tūw ńaurəmtal å̄ləm kiti̬ɣ; ti naŋ-ås χotəl χå̄nti̬pasən?» ēkwatä lāwi: «χotəl χå̄nti̬pasəm? kāsäləm porɣəm ti.»Ēri̬ɣ-χum, mōjt-χum manä χåsä jäni̬mi?! ti χå̄təl å̄śnə taɣi̬lä χot-ari̬ti, mōt χå̄təl å̄śnə taɣi̬lä å̄s χot-ari̬ti; jui-ault kwol-kiwərt at lāpi. toχ jäni̬məmä χaltə akwᵊ-mat-ērt akiäɣä ākwäɣä -nūpəl lāwi: «am kwonä woss kwālnūm mōnt, kātəm marśimawəs, laɣi̬ləm marśimawəs iŋ.» ākwä takkätä ńaurəm kwon at tārätitä; å̄jkätä -nūpəl lāwi: «ńaurəm jot kwāläln, χotäĺ jå̄mi jot jå̄mi̬täln, witnə ul woss pati!» å̄jkä ńaurəm kwonä kwāltəstä; ńaurəm jonɣimə χotäĺ χajti, taw jot jå̄mi̬ti. χåsä jå̄mäsei̬ɣ, wāt́i jå̄mäsei̬ɣ, akwᵊ-mat-ērt å̄jkä waɣi̬tal pats; kwolən jūw śältəs. ēkwatä ĺauti: «naŋ manəräi̬ɣ jūw śältsen? kwonä kwālən, ńaurəm śāriśnə pati!» å̄jkä å̄s kwonä kwāls; ńaurəm ta-kwoss kinsi, kinsi: akwᵊ-mūs āt́im. ti āt́im, wāssi̬ɣ χotäĺ taχi?! jūw ti śältəs. ēkwatä ĺūńśimə ĺautuŋkwə ti pats: «naŋ manəräi̬ɣ jūw śältsən? am mōnt lāweɣim: akwᵊ jot jå̄mi̬täln, mośśäkwə tūnū ul tārätäln; ań śāriśnə ti pats.» å̄jkätä lāwi: «am χumĺə wāriləm?! ńaurəm saka χajti̬ti, taw jotä am χuripəm matəm å̄jkä χotäĺ wēri̬teɣim.»toχ ĺautnətēn χaltə akwᵊ-mat-ērt matər-sir-mat χum kwonəl rotti̬ɣ jūw ti śältəs. tūĺə kwoss āŋkwätei̬ɣ: ań-maliŋ ńaurəm tot ti ĺūĺi. kitapi: «akiäɣəm-ākwäɣəm! nēn manəräi̬ɣ ĺautijin?» — «ās naŋ χotäĺ jälsən? mēn naŋən χot-ūstsəmēn!» — «am χotäĺ jälsəm?! am Sårni-Kworəs āśəm-pālt χāŋχsäsəm.» — akiäɣä-ākwäɣä lāwei̬ɣ: «naŋ-ås manər-māɣəs χāŋχsäsən, manər ĺāŋχ totsən?» — «Sårni-Kworəs āśəmnəl totəm ĺāŋχəm ti: sāt ēt, sāt χå̄təl āwiŋ kwol āwitä, surmiŋ kwol surmä lap-tå̄rtəlēn; kwon matər-kē-pəl suj sujti, kwon ul kwālēn; Sårni-Kworəs āśūw mā tāräti.» āwiŋ kwol āwitä lap ti tå̄rtəsanl, surmiŋ kwol surmä lap ti pantsanl. akwᵊ-mat-ērt matər ji̬liŋ, matər kumriŋ suj ti tēləs. sāt ēt, sāt χå̄təl, akwᵊ-mūs kumri̬ti; Sårni-Kworəs āśänl mā tāräti. morsiŋ sāt χå̄ləmä jui-pālt kumriŋ suj ti pojtəs. ńaurəm kwonä kwāls, ujä sis-tarəm tāləs, kēntä χot-ālmejəstä. ti kēntä ālmejəmä kūmtə sāt sāmən joχtāli, Sårni-Kworəs āśä tārätim mātä ta kēməl ti jå̄ŋɣi. akiäɣä-ākwäɣä -nūpəl lāwi: «am å̄s nå̄ŋχ χāŋχseɣim Sårni-Kworəs jäɣəm-pālt, mātä matər-sir tākəl woss tākməltitä, woss ūnttitä; ēləm-χåləs jisiŋ tå̄rəm sāŋkəmti, ēləmχåləs nåtiŋ tå̄rəm sāŋkəmti, manä puχńit jäktim ēləm-χåləs wēri̬ti?! mā akwᵊ-mūs jåŋχi, akwᵊ māt at ūnti.» nå̄ŋχ ti χāŋχəs. Sårni-Kworəs jäɣä -nūpəl lāwi: «ēləm-χåləs ūnlənə mā tārätuŋkwə ti tārəmtäslən; χånal ēləm-χåləs jisiŋ tå̄rəm, nåtiŋ tå̄rəm tēli, manä laɣi̬lä taĺəχt ĺūĺnə ēləm-χåləs wēri̬ti?! ti mākən matər-sir mat ūrəl tākməltənūlən!» Sårni-Kworəs jäɣi̬kät lāwi: «sāt ēt, sāt χå̄təl āwiŋ kwol āwitä å̄s lap woss tå̄rtawə, surmiŋ kwol surmä å̄s lap woss pantawə; am mā ēntaptiləm.» Sāt ētiŋ χå̄təl lap tå̄rtaχtäst; mōläl manä suj å̄ləs, manä kumriŋ å̄ləs, ań ti kwoni-pāl suj, ti kwoni-pāl kumriŋ tēləs. morsiŋ sāt tåuləmä jui-pālt kwonä kwoss kwāleɣit, alɣäĺə-ke sunseɣit: ńå̄r-aulä sam-posnə at joχtawə; lå̄ŋχaĺə-ke sunseɣit: ńå̄r-aulä sam-posnə å̄s at joχtawə. mā soχtiɣ toχ ti ūnttimə, ēləm-χåləs ūnluŋkwə mortsi̬ɣ ti jēmtəm.Ań-maliŋ akiäɣä-äkwäɣä -nūpəl kasm taĺəχpä pori̬ɣ χuril jolä waɣi̬ləm ńaurəm Poləm-tå̄rəm naməl ti ūnli. Poləm-tumən wātat å̄lnə jelpiŋ mātät ań ti χå̄təlä-mūsä tot ta χūtəχlawə, tot ta pūrlawə.